Вариативтік компонент — мектепке дейінгі ұйымның тақырыптық бағыты бойынша жұмыс: 1. Эксперименттік жұмыс. 2. Мұғалімдердің шығармашылық жұмысы. 3. Дарынды балалармен жұмыс. 4. Балалардың мүддесі үшін жұмыс жасау. 5. Ұйымдастырылған іс-әрекеттен тыс шет тілдерін үйрену.
Үлгілік оқу жоспарының вариативтік бөлігі
Үлгілік оқу жоспарының вариативтік бөлігі міндетті бөліктің 20 % құрайды және үйірме жұмысы арқылы жүзеге асырылатын білім беру қызметімен тікелей ұсынылған.
Үйірме жұмысы мектепке дейінгі ортаңғы және ересек жастағы балалармен өткізіледі және ол күннің екінші жартысында өткізілуі мүмкін, ал мектепалды даярлық сыныптарында күннің бірінші жартысында өткізіледі. Топ бөлмесі, музыка залы, өнер студиясы, дене шынықтыру залы, компьютер сыныбы және т. б. өткізетін орны болып табылады.
Мектепке дейінгі тәрбие мен оқытудың үлгілік оқу жоспарының вариативтік компоненттері МДТОМЖС білім беру салалары бойынша жас мерзімін ескере отырып педагогикалық процесті ұйымдастыруды қамтамасыз етеді, атап айтсақ: «Денсаулық», «Қатынас», «Шығармашылық», «Таным», «Әлеуметтік орта». Түрлі жас топтары үшін вариативтік компонентті белгілеуде мектепке дейінгі ұйымдарға мектепке дейінгі ұйым қызметінің бейініне сәйкес келесі бағыттар ұсынылды.
Мектепке дейінгі тәрбие мен оқытудың Үлгілік оқу жоспарына сәйкес екінші кіші топтан бастап вариативтік компонент енгізіледі.
Вариативтік компоненттің бір апта ішіндегі жалпы көлемі:
- 2-ші кіші топтың балалары үшін – 1 сағат;
- ортаңғы топтың балалары үшін – 2 сағат;
- ересек топтың балалары үшін – 3 сағат.
Варивтивтік компонентті анықтауда балалардың жас және тұлғалық ерекшеліктері мен мүмкіндіктері, сұраныстары, қызығушылықтары және мектепке дейінгі ұйым қызметінің бағыттары ескерілуі тиіс. Вариативтік компонент мектеп жасына дейінгі балаларға рұқсат етілген жүктемеден асырмай ұйымдастырылады. Вариативтік бөлікте дәстүрлі, инновациялық технологияларды қолдана отырып, қызықты авторлық бағдарламаларды таңдау білім беру процесін жаңартуға бағытталған. Педагогқа мазмұнын, ұйымдастыру тәсілдерін және күн тәртібіндегі орнын өз бетімен анықтау құқығы беріледі.
Дереккөз: «Мектепке дейінгі ұйым басшысының анықтамалығы» журналы