☎ 
Вопрос
Аттестаттау жылы (2014/2015 оқу жылында) мұғалім өзінің жоғары санатын растаудан бас тартып, зейнеткерлікке шығады, бірақ жұмысын жалғастыра береді. Мұғалімнің санаты қай уақыттан бастап алынып тасталады (2015 ж. қыркүйегінен бастап па?) және төлем қандай санат бойынша төленеді? Қандай бұйрыққа жүгіну керек?
Ответ
ҚР білім және ғылым министрінің м. а. 07.08.2013 ж. № 323 бұйрығымен бекітілген Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу қaғидалары мен шартының 42-т. сәйкес зейнеткерлік жасқа дейін 4 жылдан аспайтын уақыт қалған педагог қызметкердің біліктілік санатының қолдану мерзімі аяқталған жағдайда оның біліктілік санаты зейнеткерлік жасқа жеткенше сақталады. Егер педагог қызметкер педагогикалық қызметін зейнетке шығуына байланысты тоқтатуға ниетті болса, ол білім беру ұйымының аттестаттау комиссиясына оны кезекті санат беруден (растаудан) босату туралы өтініш береді. Білім беру ұйымының штатында және еңбек шарты бойынша бір жылдан артық жұмыс істеген зейнет жасындағы педагог қызметкерлер жалпы негізде аттестатталады.Демек, педагог қызметкер зейнетке шыққанда оның біліктілік санаты тек 1 жылға сақталады.Сіздің жағдайда мұғалімнің санаты 2016 ж. қыркүйегіне дейін жарамды. Егер ол 2015/2016 оқу жылы аттестаттаудан өтпеген жағдайда оның біліктілік санаты алынып тасталады. Осыған сәйкес 01.09.2016 ж. бастап еңбекақы біліктілік санаты мұғалімнің еңбекақысы мөлшерінде төленетін болады.