"Күнделік" жаңартылған мобильді қосымшасы: нұсқаулық

Осы мақаладан біле аласыздар:

Қашықтан оқыту кезінде педагогтің педагогикалық қызметті ұйымдастыру жолы

«Actualis: Білім беру» 

Телесабақ форматын қолданған уақытта (аудио-сабақ):

• сабақ жоспары негізінде телесабақтарды міндетті түрде қарауды ұсыну;
• білім алушыларға телесабақтарды көргеннен кейін өз бетінше оқу/орындау үшін тапсырмалар беру, қолжетімді платформалар мен арналардағы цифрлық білім беру ресурстарына сілтемелер беру (техникалық мүмкіндіктер болған жағдайда);
• электронды журналдар жүйесінде электрондық пошта, WhatsApp, өзге де мессенджерлер арқылы өздігінен орындауға тапсырма беру;
• kundelik.kz электрондық журналы, bilimal.kz, mektep.edu.kz жүйелері арқылы, электрондық журналдар болмаған жағдайда – педагогтің қалауы бойынша байланыстың қолжетімді түрлері арқылы кері байланысты жүзеге асыру (кері байланысты ұсыну кезеңділігін мұғалім өзі анықтайды).

Толығырақ білу

Күнделік Мектеп мобильді қосымшасы

Оқушылар мен ата-аналардың ыңғайлылығы үшін Күнделік Мектеп қосымшасының мобильді нұсқасы бар. Оны iOS немесе Android платформасында жұмыс істейтін кез келген мобильді құрылғыдан жүктеуге болады. Мобильді Күнделік барлық жағдайда қолыңыздан табылады. Бұл компьютерді сирек қолданатын адамдар үшін өте ыңғайлы.

Телефондағы немесе планшеттегі электронды күнделікпен жұмыс істеу және көру үшін Kүнделік Мектеп қосымшасын жүктеу керек. Жүйеге кіру үшін жеке деректерді, атап айтқанда, «Күнделік» автоматтандырылған ақпараттық жүйесіне тіркелген логин мен парольді енгізу керек.  

Мобильді Күнделік –  бұл ыңғайлы форматқа коммерциялық қызмет ретінде ұсынылған қосымша, ол ата-аналар мен балалардың ұялы телефондарында болады. Соның арқасында электронды күнделіктен жүйеге кірмей-ақ, жылдам ақпарат алуға болады. Күнделік мобильді нұсқасы міндетті қызмет емес, тегін сайттың баламасы немесе ыңғайлы толықтырушы ретінде жұмыс істейді. 

Жүйенің өзі мемлекеттік қаражатқа емес, жеке инвестицияларды тарту арқылы әзірленген. Жүйенің табысы статистика сияқты коммерциялық қызметтер және бейтарап тапсырыс берушілердің жарнамаларына байланысты.

Күнделік қосымшасы 

Қарапайым және ыңғайлы интерфейсті «Күнделік» қосымшасы пайдалануға ыңғайлы. Соған қарамастан, «Actualis Білім беру» электронды жүйесінің сарапшылары қосымшаның барлық мүмкіндіктерін көрсететін қадамдық нұсқаулық әзірледі. Сұрақтар туындаған жағдайда, соған жүгінуге болады.  

«Маңызды» бірінші виджеті

Күнделік КЗ қосымшасы өзінің басты бетінде «Маңызды» виджетін көрсетеді. Ол жаңалықтарды көрсетуге арналған. Жаңалыққа мыналар кіреді: 

• соңғы бағалар мен олар орнатылған күндерді қарау;

• оқытушы берген үй тапсырмаларын қарау, олар өту кезінде автоматты түрде толтырылады;

• сабақ кестесі;

• мектеп хабарландырулары.

«Хабарландыру» виджеті

Мұғалімдер оқушылар мен ата-аналарға жеткізетін барлық хабарландырулар электронды күнделіктің мобильді нұсқасынан табылады. Оларды қарап, барлық жаңалықтардан хабардар болу үшін Күнделік қосымшасын ашып, «Хабарландыру» виджетіне кіру керек. 

«Күнделік» екінші виджеті 

Күнделік КЗ қосымшасы «Күнделік» виджетінде әр сабаққа берілген үй тапсырмасын көрсетеді. Орындалған тапсырмалардың санын автоматты түрде толтыру шкаласы бойынша ыңғайлы бақылауға болады.

Күнделіктің мобильді нұсқасын жүктеп, мұғалімдерден файлдарды электронды түрде жедел алу – мобильді нұсқаның тағы бір функциясы. Қандай да бір тапсырмада тіркелген файлдардың бар-жоғын оңай білуге болады. Егер үй тапсырмасының жанында белгіше болса, бұл тапсырмада файл бар екенін білдіреді. Жүктелген файлдарды, сабақ туралы егжей-тегжейлі ақпаратты көру үшін сабақтың аты көрсетілген өрісті басу керек.

Сабақтың беті келесі ақпараттарды көрсетеді:

• сабақты өткізу уақытын;

• сабақ өткізілетін кабинетті;

• оқушы баға алған сабақтағы жұмыс түрі;

• қатысқаны туралы белгі;

• үй тапсырмасы;

• сабақтың тақырыбы;

• сабақты өткізетін мұғалім туралы ақпарат.

«Үлгерім» үшінші виджеті 

Ата-аналар Күнделік КЗ қосымшасын телефонға жүктеп, «Үлгерім» виджетінен баланың үлгерімін бақылай алады. 

Бұл виджетте жаңа бағаларды да, өткен тоқсандағы үлгерімді де көруге болады. 

«Үлгерім» қосымша беті мынадай ақпараттардан тұрады: 

• баға қойылған сабақтардың тақырыптары;

• бағалар;

• оқушының жұмысын немесе үлгерімін бағалаған оқытушы туралы ақпарат;

• бөлім мен тоқсан бойынша жиынтық бағалау туралы ақпарат;

• қорытынды бағалар. 

«Профиль» төртінші виджеті 

Бұл бөлім тілді өзгерту, жазылымды қалпына келтіру және оны басқару үшін қажет. Таңдауға орыс және қазақ тілдері және сайтқа техникалық қолдау көрсететін кері байланыс ұсынылады.  

Басқа да мақалалармен  «Actualis: Білім беру» электронды жүйесінде таныса аласыздар.